لاہور(این این آئی) سابق پاکستانی اسپنر ثقلین مشتاق نے اپنی باکسنگ پریکٹس کی ویڈیو سوشل میڈیا پر شیئر کرتے ہوئے پاکستانی نژاد برطانوی باکسرعامرخان کو مخاطب کرتے ہوئے کہا کہ کیا آپ تیار ہیں۔باکسنگ پریکٹس کی ویڈیو شیئر کی جس میں ثقلین مشتاق کو باکسنگ بیگ پر مکے برساتے ہوئے دیکھا جاسکتا ہے۔

ثقلین مشتاق نے ٹوئٹر پر منفرد اندزا میں پاکستانی نژاد باکسر برطانوی باکسرعامرخان کو مخاطب کرتے ہوئے کہا کہ عمر 40 سال قد پانچ فٹ دس انچ ،عامر خان کیا آپ تیار ہیں؟۔پاکستانی نژاد برطانوی باکسرعامرخان نے ثقلین مشتاق کی ٹویٹ کا جواب دیتے ہوئے کہا کہ آپ نے باکسنگ بیگ پر اچھی پریکٹس کی ہے لیکن میں خود ہی کافی ہوں ،اگر مجھے پارٹنر کی ضرورت ہوئی تو آپ کو ضرور بلاؤں گا۔