دبئی(آئی این پی)قومی ٹیم کے فاسٹ بالر حسن علی کی سری لنکا کیخلاف ڈے اینڈ نائٹ ٹیسٹ میں شرکت مشکوک ہوگئی ہے ۔تفصیلات کے مطابق سر ی لنکا کیخلاف ابوظہبی ٹیسٹ کے چوتھے روز مہمان ٹیم کی دوسری اننگز میں قومی ٹیم کے ابھرتے فاسٹ بالر حسن علی 5واں اوور کرواتے ہوئے کمر میں تکلیف محسوس ہونے پر گرائونڈ سے باہر چلے گئے تاہم میچ کے آخری روز انہوں
نے بالنگ کی اور سری لنکن اننگز کی آخری وکٹ بھی حاصل کی ۔ٹیم مینجمنٹ نے قومی ٹیم کے مصروف شیڈول کو دیکھتے ہوئے حسن علی کو دوسرے ٹیسٹ میں آرام دینے کا فیصلہ کیا ہے اور ان کی جگہ ٹیم میں وہاب ریاض کی شمولیت کا امکان ہے۔
