اسلام آباد (این این آئی)پاکستان تھروبال فیڈریشن کے زیراہتمام ایشین تھروبال چمپئن شپ 25 دسمبر سے کراچی میں شروع ہوگی۔ پاکستان تھروبال فیڈریشن کے سیکرٹری جنرل مقبول آرائیں نے بتایا کہ چمپئن شپ میں 13 ممالک کی مرد اور خواتین کی ٹیمیں شرکت کریں گی جن میں پاکستان، بھارت، ملائیشیا، سری لنکا، بنگلہ دیش، انڈونیشیا، سنگاپور، تھائی لینڈ، متحدہ عرب امارات،

افغانستان، نیپال، شام اور یوگنڈہ شامل ہیں، جبکہ 29 دسمبر کو ایشین بیچ تھروبال چمپئن شپ ہوگی۔ چمپئن شپ کے اختتام پر کھلاڑیوں میں انعامات تقسیم کئے جائیں گے۔ انہوں نے کہا کہ چمپئن شپ سے ملک تھروبال کے کھیل کو فروغ حاصل ہوگی اور ایونٹ کی تیاریاں ابھی سے شروع کر دی گئیں ہیں۔