لندن(نیوز ڈیسک) منی لانڈرنگ کیس میں متحدہ قومی موومنٹ کے قائد الطاف حسین کی ضمانت کی مدت آج ختم ہورہی ہے اور پولیس اسٹیشن میں ان کی پیشی کا امکان ہے۔ تفصیلات کے مطابق میٹروپولیٹن پولیس نے منی لانڈرنگ کیس میں ایم کیو ایم قائد کو 15 اپریل کو پیش ہونے کا کہا تھا جس پر وہ آج پولیس اسٹیشن میں پیش ہوں گے جب کہ انہیں پولیس گزشتہ سال 4 دسمبر کو پہلے ہی ضمانت میں توسیع دے چکی ہے اور اس پیشی پر الطاف حسین نے کارکنوں سے دعا کی اپیل بھی کی ہے۔ واضح رہے کہ منی لانڈرنگ کیس میں متحدہ قومی موومنٹ کو گزشتہ سال 3 جون کو حراست میں لیا گیا تھا جس کے بعد انہیں 7 جولائی کو ضمانت پر رہا کردیا گیا تھا جس میں ایک بار توسیع بھی کی گئی۔