لاہور ( این این آئی) لاہور ہائیکورٹ نے پاکستان انٹرنیشنل ائیر لائن میں بھاری تنخواہوں پر مبینہ طور پرخلاف قانون بھرتیوں کے خلاف دائر درخواست رجسٹرار آفس کی جانب سے عائد اعتراض برقرار رکھتے ہوئے مسترد کر دی۔گزشتہ روز لاہور ہائیکورٹ کے مسٹر جسٹس شمس محمود مرزا کے روبرو درخواست گزار ممبر لیگل پی آئی اے ناصر میر نے موقف اختیار کیاکہ پی آئی اے کے بڑے عہدوں پر خلاف ضابطہ بھرتیاں کی گئیں ،

چیف کمرشل آفیسر بلال شیخ کو کنٹریکٹ پر 20 لاکھ تنخواہ جبکہ مستقل افسر کو محض دو لاکھ روپے تنخواہ فراہم کی جا رہی ہے، پی آئی اے کے ہیومن ریسورس کا شعبہ موجود ہونے کے باوجود راحیل احمد کو کنٹریکٹ پر پندرہ لاکھ تنخواہ دی جارہی ہے ، ڈائریکٹر ویجیلنس کی آسامی تخلیق کر کے دس لاکھ تنخواہ پر کنٹریکٹ بھرتی کی گئی،لیگل ڈیپارٹمنٹ کی موجودگی کے باوجود کنٹریکٹ پر 15 لاکھ تنخواہ پر ایڈوائزر رکھا گیا ہے۔ لہٰذا معزز عدالت سے استدعا ہے کہ بھاری تنخواہوں پر خلاف قانون بھرتیاں کالعدم قرار دی جائیں۔