کراچی (نیوز ڈیسک) اورنگی ٹاؤن میں کاؤنٹرٹیررزم ڈیپارٹمنٹ نے کارروائی کے دوران 5 مبینہ دہشت گردوں کو ہلاک کرنے کا دعویٰ کیا ہے۔انچارج سی ٹی ڈی راجاعمرخطاب کے مطابق کاؤنٹرٹیررزم ڈیپارٹمنٹ نے کراچی میں اورنگی ٹاون کے علاقے خیرآباد میں دہشت گردوں کی موجودگی کی خفیہ اطلاع پر چھاپہ مارا جس پر وہاں چھپے ہوئے ملزمان نے فائرنگ کردی جس کے بعد سی ٹی ڈی اہلکاروں کی جوابی فائرنگ کے نتیجے میں 5 دہشت گرد ہلاک ہوگئے۔راجاعمرخطاب کا کہنا تھا کہ ہلاک دہشت گردوں کا تعلق القائدہ سے ہے جن میں القائدہ کے دو کمانڈر بھی شامل ہیں، ملزمان نے علاقے میں بارود کی فیکٹری بھی قائم کی ہوئی تھی جب کہ ان کے قبضے سے بھاری ہتھیار اور اسلحہ برا مد ہواہے۔