اسلام آباد(نیوز ڈیسک)قائد حزب اختلاف سید خورشید شاہ نے کہاہے کہ تحریک انصاف پر پارلیمنٹ میں تنقید سے حکومت کی سبکی ہوئی ہے اور اگر تحریک انصاف کے استعفوں سے کسی کو مسئلہ تھا تو پہلے اسمبلی میں کوئی تحریک کیوں نہ لائی گئی ۔ تحریک انصاف اپنی شرائط منوا کر ہی پارلیمنٹ میں آئی ہے ۔ میڈیا سے گفتگو کرتے ہوئے قائد حزب اختلاف سید خورشید شاہ نے کہا کہ اسمبلی میں وزیر دفاع کی تحریک انصاف پر تنقید سے حکومت کی شدید سبکی ہوئی ہے وزیر اعظم ہوتے ہوئے ان کو ایسی باتیں کرنا زیب نہیں دیتی تھی جبکہ تحریک انصاف اپنی شرائط منوا کر ہی اسمبلی یں واپس آئی ہے ۔ وزیر دفاع خواجہ محمد آصف یو اے ای کی دھمکیوں پر تو خاموش ہیں مگر استعفوں کے معاملے پر بے جا تنقید کرتے رہتے ہیں ۔ ان کا مزید کہنا تھا کہ سابق چیف جسٹس افتخار محمد چودھری جو ابھی تحریک انصاف کے استعفوں پر 8 ماہ تک کیوں خاموش رہے تریک انصاف کی اسمبلی میں واپسی پر سپیکر کو خط لکھنا 8 ماہ بعد کس کے کہنے پر یاد آیا ہے ۔ خورشید شاہ نے مزید کہا کہ ظفر علی شاہ کو سینٹ کا ٹکٹ نہیں ملا تو عدالت چلے گئے ۔ کراچی کے ضمنی انتخاب میں پیپلزپارٹی غیر جانبدار رہے گی اور مزید کہا کہ یمن کے معاملے پر پارلیمنٹ کی قرار داد اور عوام کی خواہشات کی ترجمانی کرتی ہے ۔ عرب کا دفاع ہر مسلمان کا فرض ہے لیکن بیرونی جنگ میں خود کو شامل کرنا دانشمندی نہیں ہے ۔ ان کا کہنا تھا کہ حکومت کے ساتھ ہر مشکل وقت میں چٹان کی طرح کھڑے ہیں لیکن ناجائز کام پر حکومت کا کسی صورت ساتھ نہیں دیں گے ۔ محبتیں اور قربتیں اپوزیشن میں نہیں ہوتی صرف اصولوں کی پاسداری ہوتی ہے ۔