اسلام آباد(نیوز ڈیسک)بھارتی ریاست چھتیس گڑھ میں ماﺅ باغیوں کے حملے میں 7 سیکیورٹی اہلکار ہلاک جب کہ 10 زخمی ہوگئے۔بھارتی میڈیا کے مطابق ریاست چھتیس گڑھ میں سکما کے جنگلات کے قریب ماﺅ باغیوں نے ریاست کی ایلیٹ اسپیشل ٹاسک فورس کے اہلکاروں پر حملہ کیا۔ حملے میں 7 اہلکار ہلاک جب کہ 10 زخمی ہوگئے، بھارتی اہلکار حملے سے اتنے بوکھلا گئے کہ وہ اپنے ساتھیوں کی لاشیں اور اسلحہ چھوڑ کر ہی بھاگ پڑے۔ واقعے کے بعد فوجی اور نیم فوجی دستے علاقے میں پیش قدمی کررہے ہیں تاہم کئی گھنٹے گزرنے کے باوجود انہیں لاشوں کے حصول میں کامیابی نہیں مل سکی۔ایلیٹ اسپیشل ٹاسک فورس کے پلاٹون کمانڈر شنکر راو¿ کا کہنا ہے کہ چھتیس گڑھ اور گرد و نواح کی ریاستوں میں ماﺅ نواز باغی اپنی کارروائیاں کرتے رہتے ہیں تاہم رواں برس پہلی مرتبہ ان کی کارروائی میں ایک ہی روز 7 اہلکار ہلاک ہوئے ہیں۔