کراچی ( نیوز ڈیسک) کراچی میں گزشتہ روز اغوا ہونے والے جناح ہسپتال کے نیورو سرجن ڈاکٹر شمشیر حب ریور روڈ سے زخمی حالت میں مل گئے۔ کراچی کے علاقے اورنگی ٹاؤن سے گزشتہ شام اغوا ہونے والے جناح ہسپتال کے نیورو سرجن ڈاکٹر شمشیر ا ج صبح حب ریور روڈ سے مل گئے۔ سی پی ایل سی کے سربراہ احمد چنائے کے مطابق ڈاکٹر شمشیر زخمی ہیں ، انہیں فوری طور پر حب ریور روڈ پر ایک نجی ہسپتال منتقل کر دیا گیا ہے۔ جناح ہسپتال کی ترجمان سیمیں جمالی کے مطابق ڈاکٹر شمشیر کل شام اپنے گھر سے جناح ہسپتال ا رہے تھے کہ اورنگی نمبر چار سے نامعلوم افراد نے انہیں اغوا کرلیا تھا۔