اسلام آباد(نیوزڈیسک)وزیر اعلی بلوچستان ڈاکٹر عبدالمالک نے کہا ہے کہ بلوچستان میں جاری بیرونی مداخلت میں بھارت بھی ملوث ہے۔ سانحہ تربت میں بھی بھارت سمیت دیگر عناصر ملوث ہو سکتے ہیں۔
پریس کانفرنس کرتے ہوئے وزیر اعلی بلوچستان کا کہنا تھا کہ مشترکہ تحقیقاتی ٹیم ایک ہفتے میں رپورٹ پیش کرے گی۔ پولیس اور لیویز کے گرفتار اہلکاروں سے بھی تحقیقات ہو گی۔ ڈاکٹر عبدالمالک نے کہا کہ بلوچستان میں جاری بیرونی مداخلت میں بھارت بھی ملوث ہے۔ سانحہ تربت میں بھی بھارت اور دیگر عناصر ملوث ہو سکتے ہیں۔وزیر اعلی کا کہنا تھا کہ لواحقین کے غم میں برابر کے شریک ہیں بلوچستان کی تمام محرومیوں کا ازالہ کریں گے اور اسے امن دیں گے۔