بنگلور (این این آئی)بھارت اور آسٹریلیا کی ٹیموں کے درمیان پانچ ایک روزہ بین الاقوامی میچوں پر مشتمل سیریز کا چوتھا میچ 28 ستمبر کو بنگلور میں کھیلا جائیگا۔ میزبان ٹیم کو آسٹریلیا کے خلاف سیریز میں 3-0 کی فیصلہ کن برتری حاصل ہے۔شیڈول کے مطابق آسٹریلیا اور بھارت کے درمیان پانچ ون ڈے میچوں کی سیریز کا چوتھا میچ 28 ستمبر کو بنگلور میںکھیلا جائیگا جبکہ

پانچواں اور آخری میچ یکم اکتوبر کو ناگپور میں کھیلا جائے گا، اس کے بعد دونوں ٹیموں کے درمیان تین ٹی ٹونٹی سیریز کا پہلا میچ 7 اکتوبر رانچی کے مقام پر کھیلا جائیگا، دوسرا میچ 10 اکتوبر کو گوہاٹی میں کھیلا جائیگا جبکہ تیسرا اور آخری میچ 13 اکتوبر کو حیدرآباد، دکن میں کھیلا جائے گا۔ یاد رہے کہ بھارت نے پہلے میچ میں آسٹریلیا کو 26 رنز سے شکست دی تھی، دوسرے

میچ میں میزبان ٹیم نے 50 رنز سے کامیابی حاصل کی جبکہ تیسرے میچ میں بھارت نے آسٹریلیا سے 5 وکٹوں سے فتح حاصل کی ۔