اسلام آباد(نیوز ڈیسک)اٹلی کی عدالت میں ملزم نے فائرنگ کر کے جج ، وکیل اور مدعی کو ہلاک کر دیا۔اٹلی کے شہر میلان میں ایک عدالت کے احاطے میں فائرنگ کے واقعے سے تین افراد ہلاک ہوگئے ، عدالت میں ملزم کلاڈیو جیار ڈائیلو کے خلاف دیوالیہ پن کے مقدمے کی سماعت جاری تھی۔ فائرنگ کے بعد مجرم کلاڈیو کو موٹر سائیکل پر فرار ہونے کی کوشش کے دوران گرفتار کر لیا گیا۔ عدالت میں ایک چوتھا شخص بھی مردہ پایا گیا ، پولیس کے مطابق بظاہر ایسا معلوم ہوتا ہے کہ یہ شخص دل کا دورہ پڑنے سے ہلاک ہوا۔