کراچی (نیوزڈیسک ) عمران خان کی اہلیہ ریحام خان کا کہنا ہے کہ این اے 246 کا ووٹر باشعور ہے ، اس بار غلطی نہیں کرے گا ، ملک میں کہیں نو گو ایریا نہیں ہونا چاہیئے ، یہ تبدیلی ہی ہے کہ الطاف حسین کے لہجے میں تبدیلی آئی ہے ، سر پر گولڈن بارڈر والا سبز دوپٹہ ، شلوار قمیص میں ملبوس ، ماتھے پر ڈھلکے ہوئے سنہری بال ، زیر لب تبسم ، ہشاش بشاش ، مسکراہٹیں بکھیرتی ریحام خان اسلام آباد سے خصوصی طیارے کے ذریعے کراچی کے بین الاقوامی ایئرپورٹ پر پہنچیں جہاں پی ٹی آئی کی خواتین کارکنوں نے ان کا استقبال کیا۔ ریحام خان نے ایئرپورٹ پر مختصر مگر پر اعتماد لہجے میں میڈیا سے بات کرتے ہوئے کہا این اے 246 کا ووٹر باشعور ہے ، اس بار غلطی نہیں کرے گا۔ ریحام خان نے کہا ملک میں کہیں نو گو ایریا نہیں ہونا چاہیے ، یہ تبدیلی ہی ہے جو الطاف حسین کے لہجے میں آئی ہے ، ریحام خان نے کہا اگر خان صاحب کے ٹو سر کرنے جاتے تب بھی وہ ان کے ہمراہ ہوتیں۔