اسلام آباد(نیوز ڈیسک)کراچی کے علاقے نارتھ ناظم آباد میں ڈاکوﺅں نے رات کی تاریکی میں بینک سے ڈیڑھ لاکھ روپے لوٹ لئے ، پولیس نے بینک کی سیکورٹی پر تعینات گارڈ کو حراست میں لے لیا۔پولیس کے مطابق نارتھ ناظم آباد میں واقع نجی بینک میں عملہ رقم کیش کاونٹر کے قریب رکھ گیا تھا۔ ڈاکو نجی کمپنی کے دفتر سے بنک میں داخل ہوئے اور ڈیڑھ لاکھ روپے لوٹ کر فرار ہوگئے۔ پولیس نے واردات کا مقدمہ درج کر کے تفتیش شروع کر دی ہے اور بینک کی سیکورٹی پر مامور ایک گارڈ کو حراست میں لے لیا ہے۔