اسلام آباد(نیوز ڈیسک) امریکی ریاست الینوئس میں ایک چھوٹا طیارہ گر کر تباہ ہوگیا ہے۔ امریکی فیڈرل ایویشن ایڈمنسٹریشن کے مطابق نجی چھوٹا طیارہ انڈیانا سے الینوئس آرہا تھا کہ اس دوران بلومنگٹن میں ایئرپورٹ کے رن وے پر پہنچتے ہوئے دھند کے باعث حادثے کا شکار ہوگیا۔ حکام کے مطابق طیارے میں سوار تمام سات افراد ہلاک ہو گئے۔ مرنے والوں میں الینوئس اسٹیٹ یونیورسٹی ایتھلیٹک ڈپارٹمنٹ کے دو ارکان بھی شامل ہیں۔ پولیس کے مطابق مکلین کاﺅنٹی میں کھیت میں طیارے کا ملبہ تلاش کرلیا ہے اور ریسکیو اہلکار حادثے کے مقام پر پہنچ گئے ہیں۔ تاہم طیارے میں سوار کوئی بھی شخص زندہ نہ بچ سکا ہے۔