اسلام آباد( نیوزڈیسک)سعودی عرب کے بعد برطانیہ نے غیر قانونی تارکین وطن کے خلاف کریک ڈاون شروع کر دیا۔غیر ملکی خبررساں ادارے کے مطابق برطانوی وزیراعظم ڈیوڈ کیمرون کی جانب سے غیر قانونی تارکین وطن کے خلاف بنائی گئی حالیہ اصلاحاتی پالیسی پر عملدر آمد کا آغاز کر دیا گیااور اس کے تحت تارکین وطن کیلئے قانون نافذکرنیوالے اداورں نے کارروائی شروع کردی۔
امیگریشن حکام کا کہنا ہے اصلاحاتی پالیسی کے تحت ملک میں بڑے پیمانے پر غیر قانونی تارکین وطن کے خلاف کریک ڈاون کا آغاز کر دیا ہے اور ایسے تمام تارکین وطن جو کہ نئی پالیسی کی شرائط پر پورا نہیں اترتے انہیں حراست میں لے کر اپنے اپنے ممالک میں بجھوادیاجائے گا۔
