لاہور(این این آئی)سری لنکا سے ٹیسٹ سریز کے لیے قومی کرکٹ ٹیم کے 18رکنی اسکواڈ کا اعلان کر دیا گیا،5روزہ تربیتی کیمپ19ستمرسے23ستمبرتک این سی اے اورقذافی اسٹیڈیم لاہورمیں لگایاجائے گا۔پاکستان کرکٹ بورڈ کے مطابق چیف سلیکٹر انضمام الحق کی سربراہی میں سلیکشن کمیٹی کا اجلاس ہوا جس میں 18رکنی ٹیم کا نام فائنل کیا گیا۔سکواڈ میں کپتان سرفراز احمد ،اظہر علی ،محمد عامر
،بابر اعظم،حسن علی ،شان مسعود ،احمد شہزاد ،سمیع اسلم ،اسد شفیق ،حارث سہیل ،عثمان صلاح الدین ،محمد اصغر ،محمد رضوان ،یاسر شاہ ،محمد عباس ،وہاب ریاض ،میر حمزہ اور بلال آصف کے نام شامل ہیں۔سری لنکا کے خلاف سریز سے قبل 19سے 23ستمبر کے لیے 5روزہ ٹریننگ کیمپ قذافی اسٹیڈیم میں لگا یا جائے گا اور سری لنکا کے ساتھ پہلا ٹیسٹ میچ 28ستمبر کو ابو ظہبی میں کھیلا جائے گا۔
