اسلام آباد (مانیٹرنگ ڈیسک) ورلڈ الیون کے پاکستان آنے سے یہاں انٹرنیشنل کرکٹ کی واپسی ہوئی ہے، جہاں پاکستانی قوم اس پر خوش ہے اور پاکستان میں دوبارہ کرکٹ کی آمد پر پاکستانی قوم میں ایک نیا جذبہ نظر آ رہا ہے وہیں پاکستان میں مقیم غیر ملکی بھی پیچھے نہ رہے وہ بھی میچ دیکھنے کے لیے قذافی سٹیڈیم پہنچ گئے۔ پاکستان کے دوست ملک چین کے شہری ایک بڑی تعداد میں یہاں موجود ہیں، انہیں عرصے
بعد ایسا کوئی تفریح کا موقع ملا ہے اور وہ اس موقع سے بھرپور فائدہ اٹھا رہے ہیں، قذافی سٹیڈیم آنے والے ایک چینی شہری نے کہا کہ ہمیں کرکٹ کے بارے میں اتنی کوئی معلومات نہیں ہیں، مگر ہم صرف پاکستانی ٹیم کو سپورٹ کرنے کے لیے سٹیڈیم پہنچے ہیں، ان چینی باشندوں نے اپنے چہروں پر پاکستانی جھنڈے بنوائے ہوئے تھے، اس موقع پر ان چینی باشندوں نے پاکستان زندہ باد کے نعرے بھی لگائے۔
