لاہور ( این این آئی) بین الاقوامی شہرت یافتہ آسٹرو پامسٹ پروفیسر فضل کریم خان نے پیشگوئی کرتے ہوئے کہا ہے کہ قومی اسمبلی کے حلقہ این اے 120کے ضمنی انتخاب میں مسلم لیگ (ن) کی امیدوار بیگم کلثوم نواز جیت جائیں گی ۔ انہوں نے کہا کہ زائچہ کے مطابق نواز شریف کے ستارے آئندہ ایک سال سخت گردش میں رہیں گی جن کی اہلیہ ایم این اے منتخب ہو کر وزیر اعظم کا عہدہ سنبھالیں گی ۔ پروفیسر فضل کریم خان کی
تازہ ترین پیشگوئیوں کے مطابق کشمیر آزاد ہو کر خود مختار ریاست بن جائے گا ، پاکستان ، چین ،ترکی ، ایران اور روس ایک پلیٹ فارم پر متحد ہو جائیں گی ۔ انہوں نے کہا کہ ستاروں کی چال کے مطابق آنے والا وقت عمران خان اور شیخ رشید کے لئے نہایت نیک شگون ہے ، وہ سیاسی میدان میں مزید کامیابی سمیٹیں گے ۔
