حافظ آباد (مانیٹرنگ ڈیسک)سگی بیٹیوں سے جنسی زیادتی کے الزام میں گرفتار مہر زمان المعروف چاچا ٹی ٹونٹی نے دوران تفتیش اعتراف جرم کر لیا ہے جبکہ ڈی این اے کے نمونے لاہور فرانزک ٹیسٹ کیلئے بھجوائے جا چکے ہیں جہاں سے حتمی رپورٹ آنا باقی ہے۔مہرزمان المعروف چاچا ٹی ٹونٹی کو پولیس نے عدالت میں پیش کر دیا ہے ، عدالت میں پیشی کے دوران مہر زمان کی حالت انتہائی خراب تھی اور اس کی ٹانگوں پر زخم بھی تھے ۔پیشی کے موقع پر جب پولیس مہرزمان کو عدالت میں لے کر آئی تو
پیشی سے قبل اسے انتظار کیلئے وہاں موجود ایک بنچ پر بٹھایا گیا تو اس دوران صحافیوں نے اس کی ٹانگوں سے کپڑا ہٹا کر دیکھا تو وہاں بھی گہرے زخم لگے ہوئے تھے۔ اس موقع پر صحافیوں نے نورزمان سے ان پر عائد کیے جانے والے الزامات کے بارے میں پوچھا تو انہوں نے ان الزامات کو بے بنیاد قرار دیا اور کہا کہ دوران حراست ان پر تشدد کیا جا رہا ہے۔واضح رہے کہ کچھ روز پہلے ان کی اہلیہ نے الزام عائد کیا تھا کہ وہ کئی سال سے اپنی ہی دو سگی بیٹیوں کو جنسی تشدد کا نشانہ بناتا آ رہا ہے۔
