کراچی(این این آئی) گلشن حدید لنک روڈ پر پک اپ اور ٹرالرمیں تصادم سے 6 افراد جاں بحق اور2 زخمی ہوگئے۔اطلاعات کے مطابق کراچی کے علاقے گلشن حدید میں لنک روڈ پرمخالف سمت سے آنے والی تیزرفتار پک اپ اور ٹرالر میں تصادم ہوگیا جس کے نتیجے میں پک اپ میں سوار8 میں سے 3 افراد موقع ہی دم توڑ گئے تھے تاہم فوری طبی امداد کیلئے جناح ہسپتال منتقلی کے بعد 5 زخمیوں میں سے 3 افراد نے زخموں کی

تاب نہ لاتے ہوئے دم توڑ دیا ریسکیو ذرائع کے مطابق پک اپ میں موجود 3 ماہ کی بچی اس خوفناک حادثے میں معجزانہ طورپربچ گئی جب کہ بچی کی ماں حادثے میں جاں بحق ہوگئی۔ پولیس کا کہنا ہے کہ لاشوں کی شناخت اورکاغذی کارروائی کے بعد لاشوں کو ورثا کے حوالے کردیا گیا

موضوعات:تصادم