ایبٹ آباد (این این آئی)قومی وطن پارٹی کی ڈویژنل اور ضلعی قیادت نے آفتاب احمد شیرپائو کے ایبٹ آباد میں جلسہ کو کامیاب بنانے کیلئے حکمت عملی طے کر لی ہے۔ قومی وطن پارٹی کے ڈویژنل چیئرمین چوہدری اورنگزیب کی زیرصدارت اہم اجلاس میں ضلع ایبٹ آباد، کوہستان، بٹگرام، ہری پور اور تورغر کے صدور و جنرل سیکرٹریز نے شرکت کی۔ اہم اجلاس میں آفتاب احمد شیرپائو کے شاندار استقبال کیلئے پلان ترتیب دیدیا گیا

ہے۔ اس حوالہ سے قومی وطن پارٹی کا اہم اجلاس ڈویژنل چیئرمین چوہدری اورنگزیب کی زیرصدارت منعقد ہوا جس میں قومی وطن پارٹی ضلع ایبٹ آباد کے چیئرمین شیخ نثار احمد، ریاض احمد، مراد علی شاہ، میاں داد، وارث خان، حاجی سعید، ضلع ہری پور کے چیئرمین ملک عاصم خان، فیضان خورشید، نثار محمد اور عبداﷲ خورشید نے شرکت کی۔ اجلاس میں ڈویژنل چیئرمین چوہدری اورنگزیب نے تمام اضلاع کے ذمہ داران سے مشاورت کے بعد فیصلہ کیا کہ آفتاب احمد شیرپائو کا جلسہ میرپور سکول گرائونڈ میں منعقد کیا جائے گا۔ چوہدری اورنگزیب نے اس موقع پر تمام ذمہ داران کو ہدایات جاری کیں کہ تمام اضلاع کے ذمہ داران اپنے اضلاع سے قافلوں کی صورت میں جلسہ گاہ پہنچیں۔ آفتاب احمد شیرپائو کا یبٹ آباد پہنچنے پر شاندار استقبال کیا جائے گا۔ آفتاب شیرپائو کا جلسہ کامیاب بنانے کیلئے قومی وطن پارٹی کے عہدیداران اورکارکنان نے اپنی جدوجہد شروع کر دیں ۔