نئی دہلی (این این آئی)سابق بھارتی کپتان محمد اظہر الدین نے ورلڈ الیون کے دورہ پاکستان کو شاندار اقدام قرار دیتے ہوئے کہا ہے کہ کرکٹ سے تعلق رکھنے والے تمام افراد کے لئے یہ ایک زبردست با ت ہے۔بھارتی میڈیا رپورٹ کے مطابق سابق بھارتی کپتان نے کہا کہ اب پاکستانی کھلاڑیوں کے ضروری ہوگیا ہے کہ وہ جذبے سے بھرپور اپنے عوام کے سامنے بین الاقوامی کرکٹ کھیلیں۔انہوں نے کہا کہ پاکستان کے لوگوں بھارتی
کھلاڑیوں کی طرف سے خیر سگالی کے پیغام پر خوشگوار حیرت میں مبتلا ہوں گے اور ساتھ ہی یہ بھی سوچ رہے ہوں گے کہ اگر ورلڈالیون نے ایک سے دو بھارتی کھلاڑی شامل ہوتے تو لطف ہی دوبالا ہوجاتا۔
