اسلام آباد(آئی این پی ) امیر جماعت اسلامی سینیٹر سراج الحق نے کہاہے کہ سیاسی جماعتیں کرپٹ لیڈرز کو اپنی صفوں میں جگہ نہ دیں،سب کا احتساب چاہتے ہیں، عدلیہ میں بھی کرپشن کے خلاف جنگ لڑیں گے۔ منگل کو سپریم کورٹ کے باہر میڈیا سے گفتگو کرتے ہوئے امیر جماعت نے کہا کہ حکمران شاہی خاندان وہی فیصلہ قبول کریں گے جو انکے حق میں ہوگا۔ انہوں نے کہا ہم سب کا احتساب چاہتے ہیں، شریف فیملی کے ساتھ ساتھ

دیگر لوگوں کا بھی احتساب ہونا چاہیے۔سراج الحق نے کہا ہم نے فیصلہ کرلیا ہے، چوکوں اور چوراہوں میں بھی کرپشن کیخلاف لڑیں گے، عدلیہ اور ایوانوں میں بھی کرپشن کے خلاف آواز اٹھائی جائے گی۔ امیر جماعت اسلامی نے سیاسی جماعتوں سے مطالبہ کیا کہ وہ کرپٹ لیڈران کو اپنی جماعتوں میں جگہ نہ دیں۔