اسلام آبا د(مانیٹرنگ ڈیسک) سابق وزیراعظم نواز شریف کی بیٹی مریم نواز اپنی والدہ بیگم کلثوم نواز امیدوار حلقہ این اے 120 کی انتخابی مہم میں مصروف عمل ہیں۔ گزشتہ روز ہونے والے جلسہ میں اس وقت عجیب و غریب صورتحال پیدا ہو گئی جب مریم نواز خطاب کر رہی تھیں اور انہوں نے کارکنوں سے پوچھا کہ سابق وزیراعظم نواز شریف سے ہونے والی زیادتی کا جواب 17 ستمبر کو دو گے؟
اس سوال کے جواب میں مریم نواز کی تقریر کے بیچ میں ہی آئی لو یو کے نعرے لگ گئے۔ اس موقع پر مریم نواز نے کمال حاضر دماغی کا مظاہرہ کرتے ہوئے کہا کہ میں بھی نواز شریف کو آئی لو یو کہتی ہوں اور امید کرتی ہوں کہ اگر وہ ہمیں دیکھ رہے ہیں تو ہمیں ضرور آئی لو یو ٹو کہیں گے۔
