اسلام آباد (این این آئی) ریٹرننگ آفیسر ضمنی انتخاب حلقہ این اے 120 لاہور نے پاکستان ٹیلی ویژ ن کارپوریشن کیخلاف الیکشن کمیشن آف پاکستان کو کیس بھجوادیا جس میں یہ کہا گیا ہے کہ پی ٹی وی نے 10 ستمبر 2017 ء کومریم نواز کی لاہور میں رات 8 بجے کی ریلی کو بھر پور کوریج دی ۔ ریٹرننگ آفیسر نے اس کیخلاف کاروائی کرنے کو کہا ہے ۔
پی ٹی وی نے مریم نواز کی الیکشن مہم جوکہ وہ اپنی والدہ کیلئے کر رہی ہیں تھیں کو براہ راست نشر کرنے او ر اس کو کوریج دینے پر ریٹرننگ آفیسر ضمنی انتخاب حلقہ این اے 120 لاہور نے سیکرٹری الیکشن کمیشن کو ایک لیٹر لکھا ہے ۔ جس میں اس بات پر تشویش کا اظہار کیا گیا ہے کہ ایک قومی ادارہ کیوں مسلم لیگ (ن) کی ریلی کو کوریج دے رہا ہے ؟ اسی سلسلے میں جی۔ ایم پی ٹی وی سے تین دن کے اندر وضاحت مانگی جائے کہ آیا یہ کوریج کیوں کی جار ہی ہے؟ او ر درخواست کی گئی ہے کہ این اے 120 میں تمام امیدواروں کو یکساں کوریج دی جائے
