اسلام آباد(نیوز ڈیسک)بنگلہ دیش کی سپریم کورٹ نے جماعت اسلامی کے رہنماءمحمد قمر زماں کی سزائے موت کیخلاف اپیل مسترد کردی۔بنگلہ دیشی عدالت نے جماعت اسلامی کے رہنماءمحمد قمر زماں کی جانب سے رحم کی اپیل کو مسترد کرتے ہوئے ان کی سزائے موت کو برقرار رکھنے کا حکم سنا دیا ہے۔ جماعت اسلامی کے رہنما کو 1971ءمیں پاکستان کی حمایت پر جنگی جرائم کامرتکب قرار دیا گیا تھا۔ جماعت اسلامی کے رہنماءنے اپنی سزا کےخلاف بنگلہ دیشی سپریم کورٹ میں اپیل کررکھی تھی جسے مسترد کردیا گیا ہے۔