اسلام آباد (نیوزڈیسک)معروف صحافی حامد میر نے دعویٰ کیا ہے کہ شہبازشریف اور چوہدری نثار میں سرد جنگ شروع ہوچکی ہے، چوہدری نثار کی نوازشریف پر براہ ر است تنقید پر شہبازشریف نالاں ہیں اور اس پر باقاعدہ احتجاج بھی کرچکے ہیں ، انہوں نے دعویٰ کیا کہ شہبازشریف جب چاہیںگے پارٹی صدر بن جائیںگے اور وزیراعظم بھی بن سکتے ہیں ، نجی ٹی وی 92نیوز کے پروگرام میں گفتگو کرتے ہوئے انہوں نے کہا کہ

شہبازشریف کو پارٹی صدر اور وزیراعظم بننے کے لئے بہت بڑی قربانی دینا ہوگی ، وہ قربانی کیا ہوگی اس کے بارے میں انہوں نے بتایا کہ اس کے لئے شہبازشریف کو نوازشریف سے اختلاف بھی کرنا پڑ سکتاہے جبکہ انہوں نے آج تک بڑے بھائی کی عزت و وقار کا خیال کیا ہے ، انہوں نے دعویٰ کیا کہ ن لیگ میں ایک گروپ چوہدری نثار کو لیڈر تسلیم نہیں کرتا اور وہ شہبازشریف کو آگے لانا چاہتاہے۔‎