لاہور ( این این آئی) لاہور کی مقامی عدالت نے وزیراعلیٰ پنجاب شہباز شریف کی جانب سے 10ارب روپے ہرجانے کی درخواست پر پاکستان تحریک انصاف کے چیئرمین عمران خان کو دوبارہ نوٹس جاری کرتے ہوئے 25ستمبر تک جواب طلب کر لیا۔ہفتے کو لاہور کی سول عدالت کے جج اظفر سلطان نے شہباز شریف کی جانب سے دائر ہرجانہ کی

درخواست پر سماعت کی۔درخواست گزار کے وکیل نے عدالت کو بتایا عمران خان نے پاناما پیپرز کے معاملے پر شہباز شریف کی جانب سے 10ارب روپے کی پیشکش کا بے بنیاد الزام عائد کیا۔سیاسی مفادات حاصل کرنے کیلئے الزام لگا کر شہباز شریف کی کردار کشی کی گئی،عدالت کے 9ستمبر کو طلب کرنے کے باوجود عمران خان پیش نہیں ہوئے۔عدالت عمران خان کے خلاف 10ارب روپے ہرجانے کی ڈگری جاری کرے۔عدالت نے دلائل سننے کے بعد عمران خان کو 25ستمبر تک کا دوبارہ نوٹس جاری کرتے ہوئے سماعت ملتوی کر دی۔