لاہور ( آن لائن ) ورلڈ الیون کے دورہ پاکستان کے سبب قذافی اسٹیڈیم میں جاری نیشنل کوچنگ سینٹر کیمپ سیکیورٹی کے نام پر منتقل کرنے کے احکامات جاری کر دیے گئے۔پاکستان بمقابلہ ورلڈ الیون کرکٹ ٹیم کی وجہ سے نشتر پارک اسپورٹس کمپلیکس میں دوسرے کھیلوں کی سرگرمیاں بھی متاثر ہونے لگیں۔ ذرائع کے مطابق کوچنگ سینٹر میں جاری کیمپ سیکیورٹی کے نام پر منتقل کرنے کے احکامات جاری کر دیے گئے۔کوچنگ سینٹر میں ایشین انڈور گیمز کے لیے ریسلنگ اور
جوجٹسو کے کیمپ جاری ہیں۔ 17 ستمبر سے اشگ آباد میں ہونے والے گیمز کے لیے 2 کھیلوں کے کیمپ لاہور میں لگائے گئے تاہم سیکیورٹی کے سبب انتظامیہ کی جانب سے کیمپوں کو کہیں اور منتقل کرنے کا کہہ دیا گیا۔ کھیلوں کے منتظمین لاہور میں کسی دوسرے مقام پر کیمپ لگانے پر مجبور ہوگئے۔
