لاہور (آن لائن) ایڈیشنل سیشن جج رفاقت علی گوندل نے پی ٹی آئی کی منحرف ایم این اے عائشہ گلا لئی کے خلاف اندراج مقدمہ کی درخواست پر تھانہ ماڈل ٹاؤن کی جانب سے رپورٹ جمع نہ کرانے پر برہمی کا اظہار کیا اور پولیس کو آئندہ سماعت پر رپورٹ پیش کرنے کی ہدایت کی ہے۔سلیم ایڈوکیٹ کی جانب سے دائر درخواست میں موقف اختیار کیا گیا ہے کہ عائشہ گلا لئی نے پاکستان کی خواتین کے تقدس کو پامال کیا۔

درخواست گزار نے مزید موقف اختیار کیا کہ عائشہ گلا لئی کے بیانات سے خواتین کے جذبات مجروح ہو ئے ۔ درخواست گزار نے عدالت سے استدعا کی کہ عائشہ گلا لئی کے خلاف مقدمہ درج کرکے انکوائری کا حکم دیا جائے۔ عدالت نے تھانہ ماڈل ٹاؤن سے 9ستمبر تک رپورٹ داخل کرانے کی مہلت دے دی۔