لاہور( این این آئی) این اے 120کے ضمنی انتخاب میں مسلم لیگ (ن) کی امیدوار بیگم کلثوم نواز کے کاغذات نامزدگی کی منظوری کیخلاف دائر درخواست کی سماعت کرنے والا لارجر بنچ دوسری بار تحلیل ہوگیا۔گزشتہ روز پیپلز پارٹی کے امیدوار فیصل میر اور دیگر کی درخواستوں پر جسٹس امین الدین خان کی سربراہی میں تین رکنی بنچ نے کیس کی سماعت کی
تاہم عدالتی کاروائی شروع ہوتے ہی بنچ کے رکن جسٹس شمس محمود مرزا نے ذاتی وجوہات کی بناء پر کیس کی سماعت سے معذرت کر لی جس پر بنچ کے سربراہ نے فائل چیف جسٹس کو واپس بھجوا دی ۔ قبل ازیں بھی لاہو رہائیکور ٹ کا تین رکنی بنچ تشکیل دیا گیا تھا تاہم ایک فاضل جج نے کیس کی سماعت سے معذرت کر لی تھی۔
