اسلام آباد (مانیٹرنگ ڈیسک)معروف پاکستانی شخصیت چاچا ٹی 20کے نام سے پہچانے جانے والے زمان مہر کی 2سگی بیٹیوں کے ساتھ 6ماہ سے زیادتی، بیوی کی درخواست پر مقدمہ درج ،پولیس نے حراست میں لے لیا۔روزنامہ پاکستان لاہور کی ایک رپورٹ کے مطابق
کرکٹ کے میدانوں میں پاکستانی پرچم زیب تن کر کے کھلاڑیوں اور شائقین کے خون کو گرمانے والا مہرزمان عرف چاچا ٹی 20شیطان کا پجاری نکلا، 2سگی بیٹیوں کنزہ بی بی عمر 19سال اور ثنیا بی بی عمر 22سال کو ڈرا دھمکا اور جان سے مارنے کی دھمکیاں دیکر 6ماہ سے زیادتی کا نشانہ بنا تا رہا۔شوہر کی بے غیرتی اور ظلم سے تنگ آکر بچیوں کے راز فاش کرنے پر بیوی تھانہ ونیکے تارڑ پہنچ گئی جس پر پولیس نے ملزم زمان مہر عرف چاچا ٹی 20کو حراست میں لیکر اس کی بیوی امینہ پروین کی درخواست پر مقدمہ نمبر 300/17 بجرم 376(i) درج کرلیا اور کنزہ بی بی اور ثنیا بی بی کامیڈیکل لیگل حاصل کرنے کیلئے ڈسٹرکٹ ہیڈکوارٹر ہسپتال پہنچادیا۔امینہ بی بی نے ڈی ایچ کیو ہسپتال میں صحافیوں سے گفتگو کرتے ہوئے کہا کہ ان کا تو گھر ہی اجڑ گیا ہے، وہ اپنی بیٹیوں کی تصاویر نہیں بنوانا چاہتی کل کو ان کی شادی بھی کرنا ہے۔ ڈی ایس پی صدر سرکل رانا عبدالسلام نے بتایا کہ ملزم کو گرفتار کرلیا ہے اور مزید تفتیش جاسری ہے، میڈیکل رپورٹ آنے کے بعد مزید حقائق سامنے آجائیں گے۔
