بیجنگ (آئی این پی) چین کی وزارت خارجہ کی خاتون ترجمان ہوا چھون این نے ایک پریس کانفرنس میں کہا کہ پاکستان دہشت گردی کے خلاف جنگ میں صف اول میں کھڑا ہے اور کئی برسوں سے دہشت گردی کے خاتمے کی بھر پور کوشش کررہا ہے ،پاکستان نے اس جنگ میں عظیم قر بانیاں دی ہیں.ترجمان نے کہا کہ عالمی برادری کو دہشت گردی کے خلاف جنگ میں پاکستان کے کردار اور قربانیوں کو مکمل طور پر تسلیم کرنا چاہئے۔
چین پاکستان اور دیگر ممالک کے ساتھ ملکر انسداد دہشت گردی کے تعاون کو مضبوط بنانے، علاقائی سلامتی اور استحکام کو فروغ دینے کے لئے تیار ہے۔ ایک نامہ نگار کے اس استفسار پر کہ امریکی صدر ٹرمپ نے حال ہی میں کہا ہے کہ پاکستان ایک ایسا ملک ہے جو دہشت گردوں کو پناہ دیتا ہے کیا چین کی سربراہی میں ہونیوالی کانفرنس میں اس امر پر بات چیت ہوگی یا نہیں۔ہوا چھون این نے کہا کہ اگرچہ بھارت پاکستان میں انسداد دہشت گردی کے اقدامات پر بڑی توجہ دیتا ہے تاہم یہ معاملہ شا من سمٹ کے ایجنڈے میں شامل نہیں ہوگا۔
