اسلام آباد (نیوز ڈیسک) این اے 120 میں کلثوم نواز کی کامیابی کو یقینی بنانے کے لئے ان کی بیٹی مریم نواز نے نوکریوں کی لوٹ سیل لگا دی۔ تفصیلات کے مطابق ضمنی انتخابات کیلئے جاری مہم میں سابق وزیراعظم نواز شریف کی صاحبزادی مریم نواز نے ن لیگی کارکنوں کو خوش کرنے کے لئے سرکاری نوکریوں کے وعدے کرنا شروع کر دیئے۔

تفصیلات کے مطابق حلقہ این اے 120 کے انتخابی مہم کے دوران علاقائی دفتر میں ایک میٹنگ ہوئی جس میں ن لیگی کارکنان و رہنماؤں نے شرکت کی۔ اس موقع پر مریم نواز نے جب ورکروں سے کہا کہ وہ اپنی شکایات اور مطالبات لکھ کر دیں تو اس موقع پر سرکاری نوکریوں کے خواہشمندوں کی درخواستیں کافی تعداد میں سامنے آئیں جس پر مریم نواز نے ورکروں سے ملازمتیں مہیا کرنے کا وعدہ کیا۔