اسلام آباد(مانیٹرنگ ڈیسک)نجی ٹی وی دنیا نیوز کے معروف اینکر کامران شاہد کو انٹرویو دیتے ہوئے پرویز مشرف کا کہنا تھا کہ اسامہ بن لادن کے بارے میں وہ نہیں جانتے تھے کہ وہ ایبٹ آباد میں ملٹری اکیڈمی کے بالکل قریب رہائش پذیر ہے۔ انہوں نےکہا کہ میں اب بھی اس بات کو ماننے کیلئے تیار نہیں کہ وہ وہاں مستقل رہائش اختیار کئے ہوئے تھے، میرے اندازے کے مطابق وہ وہاں آتا جاتا رہتا تھا۔ کامران شاہد کا دائود ابراہیم سے متعلق پوچھے گئے سوال کا جواب دیتے ہوئے پرویز مشرف نے
کہا کہ بھارت ہمارے ساتھ کیا کچھ کر رہا ہے ، وہ چیختا ہے تو چیختا رہے ہم کیوں بتائیں کہ دائود ابراہیم کہاں ہے۔ اس دوران کامران شاہد نے اچانک پرویز مشرف کی بات کو اچکتے ہوئے فوراََ کہا کہ بھارت چیختا ہے تو چیختا رہے ہم کیوں بتائیں کہ دائود ابراہیم کراچی میں ہے۔ پرویز مشرف کے اس انٹرویو اور دائود ابراہیم سے متعلق بات کو بھارتی میڈیا میں خوب اچھالا جا رہا ہے اور بھارتی میـڈیا کی ہرزا سرائی جاری ہے۔ پرویز مشرف نے انڈر ورلڈ ڈان دائود ابراہیم بارے کیا کہا۔۔ویڈیو ملاحظہ کریں!
