اسلام آباد(نیوز ڈیسک) ملائیشیا کے دارالحکومت کوالالمپور میں ہیلی کاپٹر حادثے میں رکن پارلیمنٹ سمیت 6افراد ہلاک ہوگئے ہیں۔ ملائیشین سول ایوی ایشن کے مطابق حادثہ کوالالمپور کے نواحی قصبے میں پیش آیا۔ جب ہیلی کاپٹر شمالی قصبے سے واپس آرہا تھا۔ ریسکیو اہلکاروں نے ہیلی کاپٹر میں سوار تمام 6افراد کی لاشیں نکال لی ہیں۔ مرنے والوں میں ملائیشن پارلینمٹ کے رکن اور امریکا میں ملائیشیا کے سابق سفیر بھی شامل ہیں۔ جبکہ وزیراعظم نجیب رزاق کے قریبی ساتھی بھی اس حادثے میں ہلاک ہوگئے ہیں۔ مقامی میڈیا کے مطابق مرنے والے تمام افراد قصبے میں وزیراعظم نجیب رزاق کی بیٹی کی شادی میں شرکت کے بعد واپس آرہے تھے۔ ملائیشن وزیراعظم نے حادثے کی فوری تحقیقات کا حکم دیدیا ہے۔