جمیکا(این این آئی)کیریبین پریمئر لیگ میں پاکستان کے آل راؤنڈر سہیل تنویر نے ریکارڈ ساز بولنگ کا مظاہرہ کرتے ہوئے اپنی ٹیم گیانا امیزون واریئرکو کامیابی دلادی۔سہیل تنویر نے صرف 3 رنزکے عوض بارباڈوس ٹرائی ڈینس کے 5 بیٹسمینوں کو پویلین کی راہ دکھائی ۔گیانا امیزون وارئیرز نے پہلے بیٹنگ کرتے ہوئے جیت کے لئے 159رنز کا ہدف دیا

لیکن بارباڈوس کی ٹیم صرف 59 رنز پر ڈھیر ہوگئی اور گیانا نے میچ 99رنز سے بآسانی جیت لیا۔سہیل تنویر نے تباہ کن بولنگ کرتے ہوئے چار اوورز میں صرف تین رنز دے کر 5کھلاڑیوں کو آؤٹ کیا۔سہیل تنویر نے اپنے ٹویٹ میں کہا کہ الفاظ سے زیادہ کام بولتے ہیں۔ الحمد للہ آج میں نے سب سے کفاتی پانچ وکٹیں حاصل کرنے کے معاملے میں تاریخ رقم کی ہے اور لگاتار دوسری بار مین آف دا میچ قرار دیا گیا۔