اسلام آباد (مانیٹرنگ ڈیسک) اسرائیل کی اسلامی ملک کو سخت ترین دھمکی، حالات مزید خراب ہونے کا احتمال۔ تفصیلات کے مطابق اسرائیلی اخبار نے یہ دعویٰ کیا ہے کہ اگر ایران کا شام میں اثر و رسوخ بڑھا تو اسرائیل شامی صدر کے محل کو نیست و نابود کر دے گا۔ یہ وارننگ کچھ دن قبل اسرائیلی وزیراعظم نیتن یاہو نے روس کے صدر سے ملاقات کے دوران دی تھی۔
اسرائیلی صدر نے مزید کہا کہ اگر خطے کے حالات میں بہتری نہ لائی گئی تو اسرائیل، روس اور امریکہ کے درمیان طے پانے والے جنگ بندی کے معاہدے کو بھی ختم کر دے گا۔ اسرائیلی ذرائع کے مطابق وزیراعظم نیتن یاہو نے روسی صدر کو صاف صاف کہہ دیا ہے کہ شام سے متعلق اگر ہمارے خدشات دور نہ ہوئے تو وہ کسی حد تک بھی جا سکتے ہیں۔
