نیویارک (این این آئی) پانی کے تنازع پر پاک بھارت مذاکرات 14اور 15ستمبر کو واشنگٹن میں ہوں گے ٗ عالمی بینک کی زیر نگرانی ہونے والے ان مذاکرات میں متنازع بھارتی پن بجلی منصوبوں پر بات کی جائیگی۔ میڈیا رپورٹ کے مطابق بھارت پاکستان کے حصے کے پانی پر بھی قبضہ چاہتا ہے اور وہ بھی ان دریاؤں کا پانی روک کر جو سندھ طاس معاہدے کے تحت پاکستان کو ملے۔

بھارت دریائے نیلم پر 330میگاواٹ کا کشن گنگا اور دریائے چناب پر 850میگاواٹ کا رتلے پن بجلی منصوبہ بنا رہا ہے۔بھارت کی آبی جارحیت بڑھتی ہی جا رہی ہے ۔بات اب دریائے چناب پر پکل دل ٗ لوئرکلنائی اور می یار پن بجلی منصوبوں تک پہنچ چکی ہے۔پاکستان کو بھارت کے ان تمام پن بجلی منصوبوں پر اعتراضات ہیں ۔عالمی بینک سندھ طاس معاہدے کے تحت پاک بھارت آبی تنازعات حل کرانے کی کوشش کر رہا ہے اسی سلسلے میں14 اور 15 ستمبر کو واشنگٹن میں مذاکرات ہونگے میڈیا رپورٹ کے مطابق بھارت پاکستان کے حصے کے پانی پر بھی قبضہ چاہتا ہے اور وہ بھی ان دریاؤں کا پانی روک کر جو سندھ طاس معاہدے کے تحت پاکستان کو ملے۔ ذرائع آبی وسائل ڈویژن کے مطابق واشنگٹن میں ہونے والے دوروزہ مذاکرات میں پاکستانی وفد کی نمائندگی وفاقی سیکرٹری آبی وسائل عارف احمد خان کریں گے۔پاکستانی وفد میں انڈس واٹر کمشنر مرزا آصف بیگ ٗ اٹارنی جنرل اوشتر اوصاف اور آبی وسائل ڈویژن کے جوائنٹ سیکریٹری سید مہر علی شاہ بھی شامل ہوں گے جبکہ عالمی بینک پاک بھارت مذاکرات کی نگرانی کریگا اس سے پہلے پاکستان اور بھارت کے درمیان سیکرٹری سطح کے مذاکرات جولائی کے آخرہ ہفتے واشنگٹن میں ہی ہوئے تھے۔