اسلام آباد (مانیٹرنگ ڈیسک )عازمین حج میں سب سے ضعیف العمر 104سالہ انڈونیشین خاتون سعودی عرب پہنچ گئی، سعودی وزارت ثقافت کی حج میڈیا کمیٹی کے آپریشن روم کے ڈائریکٹر عبدالخالق الزہرانی ، جدہ میں انڈونیشی قونصل جنرل محمد شریف دین ، انڈونیشی حج
مشن کے سربراہ ارشد ہدیا اور حجاج کرام کی خدمت کے متعلقہ اداروں کے متعدد نمائندے نے استقبال کیا۔ تفصیلات کے مطابق اس سال عازمین حج میں سب سے ضعیف العمر خاتون کا تعلق انڈونیشیا سے ہے اور ان کی عمر 104سال بتائی جاتی ہے ، ماریہ مرگینی محمدفریضہ حج کی ادائیگی کیلئے جب ہفتے کے روز سعودی عرب پہنچیں تو اس موقع پر سعودی وزارت ثقافت کی حج میڈیا کمیٹی کے آپریشن روم کے ڈائریکٹر عبدالخالق الزہرانی ، جدہ میں انڈونیشی قونصل جنرل محمد شریف دین ، انڈونیشی حج مشن کے سربراہ ارشد ہدیا اور حجاج کرام کی خدمت کے متعلقہ اداروں کے متعدد نمائندے نے استقبال کیا۔ ماریہ مرگینی محمدحجاز مقدس پہنچنے کے بعد حکام کی جانب سے عازمین حج کی آسانی کے لیے کیے جانے والے تیز ترین اقدامات پر اپنی مسرت کا اظہار کیا ۔ انڈونیشی خاتون اور ان کے ہمراہ آنے والے گروپ نے اللہ رب العزت کے حضور دعا فرمائی کہ حجاج کرام کی خدمت کے سلسلے میں مملکت سعودی عرب کی تمام تر خدمات کو شرف قبولیت عطا فرمائے اور حجاج کی خدمت میں شریک ہر فرد کو اس کی انتھک کوششوں کا بہترین بدلہ عطا فرمائے ۔
