اسلام آباد(نیوز ڈیسک) مصر میں سیکیورتی فورسز کے فضائی اور زمینی حملوں میں چالیس جنگجو ہلاک ہو گئے۔ غیر ملکی خبر رساں ادارے کے مطابق حکام نے بتایا کہ صحرائے سینا کے علاقے شیخ زوید میں جنگجوﺅں کے حملوں میں پندرہ فوجیوں کی ہلاکت کے ایک روز بعد سیکیورٹی فورسز نے جنگجوﺅں کے ٹھکانوں پر زمینی اور فضائی حملے کئے جس کے نتیجے میں چالیس جنگجو ہلاک اور متعدد زخمی ہو گئے۔ حکام کا کہنا ہے کہ حملوں میں جنگجوﺅں کے بیس ٹھکانے اور سات گاڑیاں بھی تباہ ہوئی ہیں۔ حکام کا کہنا ہے کہ آپریشن کے دوران کچھ جنگجوﺅں کو گرفتار بھی کیا گیا ہے۔