اسلام آباد(مانیـٹرنگ ڈیسک)اگر طلاق کیلئے عدالت سے رجوع کیا تو بیٹی کو لیکر امریکہ منتقل ہو جائوں گی، پاکستانی نژاد برطانوی باکسرعامر خان اوران کی اہلیہ فریال مخدوم نے دھمکی دیدی۔ تفصیلات کے مطابق پاکستانی نژاد برطانوی باکسرعامر خان اوران کی اہلیہ

فریال مخدوم کے درمیان تعلقات اختتام کے قریب پہنچ چکے ہیں اور عامرخان نے فریال مخدوم کو طلاق دینے کا اعلان کیا ہوا ہے جبکہ فریال مخدوم اپنے شوہر سے علیحدگی کے حق میں نہیں ہیں۔ بین الاقوامی میڈیا کے مطابق حال ہی میں فریال مخدوم کا ایک اور حیران کردینے والا بیان سامنے آیا ہے، انہوں نے اپنے شوہر کو وارننگ دی ہے کہ اگر عامر نے انہیں طلاق دینے کا سوچا یا طلاق کے لیے عدالت سے رجوع کیا تو وہ اپنی بیٹی لامائساہ خان کو لے کرامریکا منتقل ہوجائیں گی، جب کہ انہوں نے اپنی قانونی ٹیم کو بھی ہدایت دی ہے کہ وہ ان کی شادی کو بچانے کی ہرممکن کوشش کریں۔عامر خان اپنی بیٹی سے بے انتہا محبت کرتے ہیں اوراکثرسوشل میڈیا پران کی تصاویر شیئرکرتے رہتے ہیں، انہیں اپنی بیٹی سے دوری برداشت نہیں۔ واضح رہے کہ عامر خان گھریلو جھگڑوں سے تنگ آکر فریال کو گزشتہ دو سال سے طلاق دینا چاہتے تھے وہ اپنی شادی سے اتنے دلبرداشتہ تھے کہ ان کا کہنا تھا وہ گھرمیں نہیں بلکہ جہنم میں رہتے ہیں جبکہ دوسری جانب فریال مخدوم کا اس حوالے سے کہنا ہے کہ عامر انہیں کبھی طلاق نہیں دے سکتے کیونکہ ان کے پاس اتنا مواد موجود ہے کہ وہ عامر کی شخصیت کو تباہ کر کے رکھ دیں گی۔