اسلام آباد (نیوز ڈیسک) حکومت کی جانب سے تحریک انصاف کا جوڈیشل کمیشن کے قیام کا مطالبہ پورا ہونے کے بعد ان کی جانب سے اسمبلیوں میں واپس جانے کی تیاری کر لی گئی ہے ۔تفصیلات کے مطابق تحریک انصاف کی کور کمیٹی کے اجلاس میں اراکین اسمبلی کی جانب سے تجویز دی گئی ہے کہ اب ان کے تمام مطالبات حکومت کی جانب سے پورے کر لیے گئے ہیں اور جوڈیشل کمیشن کا قیام عمل میں لایا جایا رہا ہے۔
مزید پڑھئے:تین ہم شکل بہنوں کی ایک ساتھ شادی، دولہے پریشان
اس لیے تحریک انصاف کو بھی لچک کا مظاہرہ کرنا چاہیئے اور اسمبلیوں میں واپس جانا چاہیئے۔تحریک انصاف کے چیئرمین عمران خان کی جانب سے اراکین کی کثرت رائے کے باعث اسمبلی میں جانے کا فیصلہ لینے کے لیے اتوار کو کور کمیٹی کا اجلاس طلب کر لیا ہے۔عمران خان کی رہائش بنی گالہ میں ہونے والے اجلاس میں اسمبلی میں واپس جانے یا نہ جانے کے حوالے سے فیصلہ کیا جائے گا۔
