اسلام آباد (نیوز ڈیسک) وزیر دفاع خواجہ آصف نے کہا ہے کہ سعودی عرب کی خواہش ہے کہ پاکستان کھل کے سعودی عرب کا ساتھ دے، ہم چاہتے ہیں کہ مسلم امہ کا اتحاد منتشر نہ ہو۔مقامی اخبار جہان پاکستان کے مطابق نجی ٹی وی کے پروگرام میں گفتگو کرتے ہوئے خواجہ آصف کا کہنا تھا کہ ہم پیر کو پارلیمنٹ کو اعتماد میں لیں گے، پارلیمنٹ میں جو بھی فیصلہ ہوگا قوم کے مفاد میں ہوگا، ہمارے 1000 فوجی سعودی عرب میں ہیں، حکومت نے ابھی کوئی حتمی فیصلہ نہیں کیا، ان کا کہنا تھا کہ وسطی یمن میں القاعدہ بہت طاقتور ہے۔ وزیراعظم ترکی کا دورہ کررہے ہیں، وہ ترک وزیراعظم کو اعتماد میں لیں گے۔ 8 اپریل کو ایرانی وزیر خارجہ پاکستان آرہے ہیں انہیں بھی اعتماد میں لیں گے۔