کراچی(نیوز ڈیسک)این اے 246 کی انتخابی مہم میں پی ٹی آئی اور ایم کیو ایم کے کارکن ایک بار پھر آمنے سامنے آگئے ہیں ۔عمران اسماعیل نے کارکنوں کو نہاری کھلانے کیلئے دستگیر ہو ٹل اکٹھے کیا مگر وہاں نہاری آنے کی بجائے ان کے مخالفین آگئے اور انہوں نے آتے ہی ’جئے الطاف حسین‘کے نعرے لگانا شروع کر دیئے اور اس طرح دستگیر ہوٹل میں پی ٹی آئی اور ایم کیو ایم کے کارکنوںمیں نعروں اور ہلڑ بازی کا سلسلہ شروع ہو گیا۔عمرا ن اسماعیل نے ہو ٹل میں اپنے کارکنوں کے ساتھ ایک سیلفی بھی لی ۔ یاد رہے کہ نبیل گبول کے استعفی کے بعدحلقہ این اے 246میں 23اپریل کو ضمنی الیکشن ہو نا ہے جس میں پی ٹی آئی کی طرف سے عمران اسماعیل کو ٹکٹ دیا گیا ہے اور جناح گراونڈ میں بھی پی ٹی آئی اور ایم کیو ایم کے کارکنوں کے درمیان پچھلے دنوں جھگڑا ہو چکا ہے ۔