اسلام آباد(نیوزڈیسک) کھنہ پل کے علاقے میں واقع نجی بینک سے ڈاکو لاکھوں روپے لوٹ کر فرار ہو گئے۔ اسلام آباد میں تھانہ کورال کی حدود میں کھنہ پل کے علاقے میں 6 مسلح افراد ایک نجی بینک میں داخل ہوئے اور عملے کو یرغمال بنا کر لاکھوں روپے لوٹ کر فرار ہو گئے۔ بینک حکام کا کہنا ہے کہ فوری طور پر معلوم نہیں ہو سکا ہے کہ ڈاکو بینک سے کتنی رقم لوٹ کر فرار ہو ئے ہیں۔پولیس حکام کا کہنا ہے کہ بینک سے سی سی ٹی وی فوٹیج قبضے میں لے کر ملزمان کی شناخت اور گرفتاری کے لئے تحقیقات کا آغاز کر دیا ہے۔