رحیم یار خان(نیوزڈیسک)رحیم یار خان میں نامعلوم افراد نے تیز دھار آلے سے خاتون کے دونوں کان کاٹ دئیے ، متاثرہ خاتون زخموں کی تاب نہ لاتے ہوئے دم توڑ گئی۔ پولیس کے مطابق نامعلوم افرا د نے رات کے وقت تیز دھار آلے سے’ب ب ‘ کے دونوں کان کاٹ دیئے اور ملزمان کان بھی اپنے ساتھ لے گئے، خاتون کوتشویشناک حالت میں شیخ زید ہسپتال لایا گیا جہاں وہ زخموں کی تاب نہ لاکر جاں بحق ہوگئی۔ اہل خانہ کا کہنا ہے کہ یہ ڈکیتی کی واردات ہے اورخاتون کے کانوں میں سونے کی بالیاں تھیں۔ایس ایچ او امجد رشید کے مطابق مقتولہ کے بھائی کی مدعیت میں نامعلوم افراد کیخلاف ڈکیتی کے دوران قتل کا مقدمہ درج کرلیا گیا ہے مگر ملزمان کے پاؤں کے نشانات گاؤں سے باہر نہیں ہیں۔