اسلام آباد (مانیٹرنگ ڈیسک) مجھے بھی حراساں کیا گیا، نصرت سحر عباسی بھی بول پڑیں، تفصیلات کے مطابق مسلم لیگ فنکشنل کی نصرت سحر عباسی جو کہ رکن صوبائی اسمبلی ہیں نے کہا ہے کہ ہمارے ملک میں خواتین کے نام پر جو کچھ ہو رہا ہے، وہ ٹھیک نہیں ہے، انہوں نے نجی ٹی وی سے بات چیت کرتے ہوئے رانا ثناء اللہ کے بیان پر اپنے ردعمل میں کہا کہ حمزہ شہباز کا اگر عائشہ احد سے کوئی رشتہ نہیں ہے تو انہیں چاہیے کہ صاف انکار کر دیں، کسی خاتون کو پیشہ ور قرار دینا ٹھیک نہیں ہے، ہمارے ملک میں سیاست کے نام
پر غلط روایت قائم کی جا رہی ہے، واضح رہے کہ پنجاب کے وزیر قانون رانا ثناء اللہ نے حمزہ شہبازکی مبینہ بیوی کے خلاف الزام لگایا کہ یہ پیسوں کے لیے الزام لگا رہی ہے اور عائشہ احمد ایک پیشہ ور عورت ہے۔ نصرت سحر نے کہا کہ ہمارے ملک کی سیاست میں جو کچھ خواتین کے ساتھ کیا جا رہا ہے اس کے بعد کوئی بھی اپنی بہن، بیٹی کو گھر سے باہر نہیں نکلنے دے گا اور خواتین کردار سیاست میں کم ہو جائے گا، نصرت سحر عباسی نے کہا کہ وہ خود بھی ہراساں ہو چکی ہیں اور وہ جانتی ہیں کہ اس کا درد اور تکلیف کیا ہوتی ہے۔
