اسلام آباد (نیوز ڈیسک)وزیراعظم کے نوجوانوں کی ترقی کے پروگرام کی چیئرپرسن لیلیٰ خان نے کہا ہے کہ حکومت اگلے چند ماہ میں نوجوانوں کے لئے ایک سالہ انٹرن شپ پروگرام شروع کرنے پر غور کر رہی ہے ،مدارس کے طلباء کو بھی ہنرمند بنانے کے پروگرام میں شامل کیا جائے گا۔ انہوں نے یہ بات سرکاری ریڈیو سے انٹرویو میں بتائی۔انہوں نے کہا کہ ابتدائی طور پر ماسٹر ڈگری کے حامل نوجوانوں کو تقریباً پچاس ہزار انٹرشپس دی جائیں گی اور انٹرن شپ کرنے والے ہر نوجوان کو ماہانہ بارہ ہزار روپے دئیے جائیں گے۔چیئرپرسن نے کہا کہ مدارس کے طلباء4 کو بھی ہنرمند بنانے کے پروگرام میں شامل کیا جائے گا تاکہ انہیں قومی دھارے میں لایا جا سکے۔